A Romaría do San Ramón foi a encargada de despedir o Castelo Conta deste ano. Desde cedo soaron as gaitas na tradicional alborada e, mentres na capela se celebraban as misas, os coches clásicos percorreron as aldeas ata chegar a Castelo.
A xornada seguiu cunha pulpada popular na polideportiva e a sesión vermú da Orquestra La Ocaband, que animou a tarde a ritmo de festa. Un peche que xuntou veciños e visitantes para celebrar todo o vivido durante a semana e marchar coa mirada posta na vindeira edición.
