A xornada arrincou co último día de Xente Miúda, cunha representación de Inventi Teatro e un obradoiro de canto con Sés. Despois, chegou a cata de Cafés Lúa, unha viaxe polos aromas do café artesanal na Casa Rodríguez. Na sesión vermú a taberna cobrou vida coa música de The Rapants, mentres Chisco Jiménez se puxo á fronte dos fogóns.
Pola tarde celebramos unha nova entrega dos Contos de Castelo, con Fátima Pego guiando as historias e lembranzas da aldea. A noitiña, Touriñán e Carlos Blanco fixeron rir a todo o público co seu show ‘Somos Criminais e punto final’, e Zënzar puxo a música final a outro día inesquecible .
