Hoxe o día comezou nas cociñas coas crianzas de Xente Miúda. Pasaron a mañá enteira elaborando pratos que logo se probaron nunha cata aberta ao público. Máis tarde, na taberna, celebramos de novo os Vermús, desta volta con Bea Sotelo e Bego Vázquez aos fogóns e Pava no escenario.
En Xalo, gozamos das ‘Mulleres que Contan’, un proxecto de Hadriana Casla que xa estivera presente na última edición do festival. O día pechouse coa esperadísima Gala dos Dez Anos, presentada por Xosé A. Touriñán. Nela entregáronse premios á veciñanza, houbo monólogos, actuacións, sorteos, concertos… E a festa culminou por todo o alto con DJ Mou.
