Presentación do Castelo Conta 2025

22/07/2025

O Castelo Conta celebra dez anos de historia e arrancámolo como sempre: xuntándonos para compartir festa, cultura e comunidade. Veciñanza, institucións e empresas déronse cita para coñecer a programación máis especial da historia do festival, cun cartel que mestura tradición, música, humor e memoria. Un adianto do que viviremos en agosto e unha mostra do que significa celebrar xuntos.

Fotos: Aigi Boga

Os representantes das institucións e empresas patrocinadoras posan coa programación desta décima edición do Castelo Conta.

Xosé A. Touriñán presentou a programación da edición coa que o festival celebra o seu décimo aniversario.

A veciñanza non quixo perder o acto que inicia a conta atrás para o Castelo Conta.

Natividade González, deputada de Cultura da Deputación da Coruña, destacou o traballo comunitario do Castelo Conta para poñer en valor a oralidade e a cultura desde o rural.

O conselleiro de Cultura, Lingua e Xuventude, José López Campos, comprometeu o apoio da Xunta para que “o festival siga medrando e sumando máis anos de vida”.

O alcalde de Culleredo, José Ramón Riobóo, agradeceu o traballo da veciñanza e a colaboración entre institucións e empresas, que converten o Castelo Conta “nun dos festivais culturais máis importantes do país”.

Miguel Anxo Seixas, de Deleite, mostrouse encantado de seguir colaborando cun festival ao que chegaron na primeira edición e no que esperan estar moitos anos máis.

Cristina Canosa, de Estrella Galicia, expresou o compromiso da empresa cun festival que “non só ten unha gran programación, senón tamén uns valores que Estrella Galicia comparte”.

Lolo Mosteiro e Paula Martínez, de “A Artesa da Moza Crecha”, puxeron a música e os petiscos durante a festa de presentación.

A veciñanza de Castelo é unha parte fundamental no desenvolvemento do festival.

Volver a Ver e escoitar