O festival contará cun espazo informativo da ONGD o domingo 24 e o xoves 28, ademais dunha cesta solidaria e dun suadoiro de edición especial, dos que Ecos do Sur recibirá integramente todo o recadado.
Solidariedade e diversidade: Ecos do Sur súmase ao Castelo Conta
Na súa décima edición, o Castelo Conta reafirma o seu compromiso social e comunitario a través da colaboración con Ecos do Sur, organización que desde 1991 promovendo a participación, a igualdade de oportunidades e a integración social e laboral das persoas en situación de vulnerabilidade, migrantes e refuxiadas.
Este ano a colaboración materialízase no sorteo de tres cestas solidarias, compostas por produtos de beleza doados por Vegalsa-Eroski, produtos de Bonilla a la vista, Aceites Abril, Conservas Cambados, Polvarelo, o libro de Natalia Monje (‘Los Santos Salvajes’) asinado, outras achegas dos nosos colaboradores Clínica Pardiñas, Cafés Lúa e Méndez-Rojo, e a camiseta solidaria de Ecos do Sur.
Todo o recadado irá destinado á ONGD e á súa labor. As rifas, a un prezo simbólico de 2€, poderanse adquirir na taberna do Castelo Conta, Casa Rodríguez, e permitirán optar ao premio que se sorteará o xoves 28 durante a Gala dos Dez Anos. Non será preciso estar presente na gala para participar, xa que a persoa gañadora poderá recoller o seu agasallo noutro momento.
Ademais, nesta edición tamén se presenta unha camiseta solidaria de edición especial, creada en colaboración coa organización, que permitirá a quen decida mercala levar un recordo único do festival ao tempo que contribúe cun fin solidario.
Con iniciativas coma esta, o Castelo Conta dá un paso máis para construír un festival diverso, aberto e comprometido, no que a cultura e a solidariedade camiñan da man e fortalecen o sentimento de comunidade.