No Castelo Conta viaxaremos por todo o mundo a través dos aromas de Cafés Lúa. Durante a mañá do venres 29, a veciñanza e os pais e nais da cativada asistentes a Xente Miúda, poderán achegarse para degustar os seus cafés artesanais en Casa Rodríguez, a taberna do festival.
Fundada por Luz e Antonio en Carballo hai 35 anos, esta empresa familiar mantén viva a esencia do traballo ben feito, con coidado, tempo e compromiso. A través do oficio artesanal, Cafés Lúa permítenos acercarnos a sabores doutros continentes, todo isto mantendo as súas receitas naturais que non deixan a ninguén indiferente.
A degustación con Cafés Lúa será unha mañá para deixarse desfrutar, sorprenderse e probar.