Non hai festa sen xantar compartido, e na que celebramos a primeira fin de semana do festival no Xalo, non faltará de nada…
Xantar no monte
DOMINGO 24 DE AGOSTO|15.30
Logo da sesión vermú máis especial do festival coas Tanxugueiras, o gran xantar da festa no monte. Ao carón do auditorio natural que preparamos no monte disporemos varios postos de comida e bebida para desfrutar dunha tarde inesquecible na parte máis alta do Xalo.
A mellor forma de pasar o inicio da tarde mentres que non chega o serán, e o concerto de Sés, para despedir a primeira fin de semana do Castelo Conta, e preparar o comezo da semana máis agardada do ano en Castelo.